LeserGedicht
As Bodn im Weiher is vorbei,
doch da September hat neue Spassettln dabei
Kürbis zum Fratzn schnitzn,
und auf d´ Nacht a Lichterl nei sitzn.
Sonnabluma, scho größer wia i selber,
mit tellergroße Blüaköpf und Blüha´blattl, die gelber.
Aber die größte Freid hamma beim Drachnsteing.
Selber baut, mit Hoizlattl, Papier und Leim.
A kurze Schnur mit bunte Schleifelrn dran für´n Schwanz,
und a ganz a Lange, damit er richtig hoch fliang kann.
Mit´m Drachen in da Hand laff ma über´s Stoppelfeld geschwind
Jetz brauch ma di, Septemberwind, Septemberwind!
Lass unsere Drachen fliang,
dass sich die Hoizlattl biang.
Lass si schaukeln und tanzen wia wild,
blos abstürzen, des derf ans nit.
Septemberwind, Septemberwind,
moang woll´n ma a wieder mit´m Dracha
über´s Stoppelfeld laffa geschwind.